Okkur barst þetta bréf frá foreldrum 9. bekkjar Háteigsskóla;
Takk kærlega fyrir okkur:) krakkarnir voru himinlifandi. 
Þetta var stórkostlegt tækifæri að vera með krökkunum í tæpa fimm sólahringa, í gegnum súrt og sætt, frá uppvakningu til svefnstunda.  
Á svona löngum tíma koma persónurnar fram í hverri manneskju, þeirra hegðun, virðing, hópefli, viðmót, hjálpsemi, dugnaður við sínar skyldur, þátttaka í leikjum og þrautum og ekki síst framkoma þeirra og virðing fyrir hvort öðru og okkur fullorðna fólkinu.
Þessi skemmtilega reynsla og allar þessar góðu minningar sem börnin öðluðust munu vera eitthvað fyrir þau til að búa að síðar.  Hópurinn var samheldinn og kemur nú til baka enn sterkari. Ég er svo þakklát fyrir að hafa átt þennan tíma með krökkunum og ykkur :)
Takk fyrir okkur!

Það var gaman að taka á móti fyrsta hóp eftir jólafrí. Nemendur frá Háteigsskóla komu mánudaginn 18. janúar með foreldrum sem hafa séð um skipulag ferðarinnar. Veðrið hefur leikið við okkur, stafa logn og blíða hvern einasta dag. Það er mikið búið að renna sér í brekkunum, spila og hafa gaman.   

Það er fallegt um að litast á Laugum þessa dagana, að vísu frekar kalt um 5 stiga frost en stillt verður. Því miður er mikil hálka á svæði Lauga og getur því verið erfitt að ganga um svæðið. Gestir og þátttakendur eru beðnir að hafa með sér brodda á skóna sína.

Starfsfólk Ungmennabúðanna óskar ykkur Gleðilegs árs með þökk fyrir samveruna á því gamla.
Árið 2015 var ríkulegt af nýjungum, lífi og fjöri. Má helst nefna að þann 17. janúar 2015 urðu Ungmennabúðirnar 10 ára, haldið var upp á afmælið fyrir gesti og gangandi og slegið til fjölskylduhátíðar á Laugum.  
Uppbygging útisvæðisins hefur haldið áfram og sl. sumar voru göngustikur málaðar og haldið áfram að vinna í gönguleiðum. Vinna stendur yfir á göngukorti og merkingum sem á að vera tilbúið næsta vor. Hópur sjálfboðaliða hefur m.a. komið að þessari uppbygginu.
Á síðasta ári urðu síðan nokkrar breytingar á starfi Ungmennabúðanna. Má þá helst nefna að hætt var að fara sveitaferð sem farin hafði verið frá upphafi. Ástvaldur rútubílstjóri lét af störfum og breyting var varð á dagskrá í kjölfarið. Starfsfólk Ungmennabúðanna vill nota tækifærið og þakka Sigurði á Eiríksstöðum og bændunum á Erpsstöðum tryggja þjónustu sl. 10 ár.
Haustið 2015 tók Rebecca á Hólum við heimsóknum nemenda og kynnti þeim sveitalífið. Í stað þess að fara í rútu er gengið til Rebeccu yfir hólana sem liggja á milli Lauga og Hóla. Þessi ferð tekur tæpa 3 tíma með heimsókninni en að Hólum eru rúmir 2,5 km aðra leið sem skemmtilegt er að ganga.
Þá hafa námskeiðum utandyra aukist, má nefna ýmiskonar námskeið í hópefli og Þrautabrautin í Lillulundi er mikið notuð. Þetta fyrirkomulag hefur reynst einstaklega vel og eru nemendur ánægðir með aukna útivist á Laugum. Sú breyting var einnig á að Laugar tóku við ýmsum sjálfboðaliðum og nemum allstaðar að úr heiminum sem hafa áhuga á að auka þekkingu sína á starfi skólabúða. Einnig hafa erlendir starfsmenn sóst í auknu mæli eftir að fá að vinna á Laugum. Það má því segja að síðasta vetur var ansi alþjóðlegt stemming á Laugum og nemendur fengu tækifæri á að æfa sig m.a. í enskri tungu.
 
Við erum bara spennt á að takast á við ný ævintýri og bjóðum árið 2016 velkomið. Hlökkum til að sjá ykkur.
.